#Haysee_haniis!
Gaammuwa na’aassi machchee oyshaa. Gaammuwassi na’ay gakkiis, Gakkin maccaasa oychchana giidi woran de’iya do’aa ubbaa keettaa gelidi bana milatenna yaagidi tana milatiyay dadaa giidi dadaa soo biis. Bin daday "ayissi yaadii?" giidi oychchiin Gaammoy zaaridi "taassi na’I gakkiis shin ba son macca na’i de’ikko oychchanawu yaas." yaagiis. Yaagin daday "ne aybiira mino ne na’ay aybiira minoo? Ne na’’aa malaatay aybee?" Yaagin gaammuwa Na'ay gudiiddi guppiidi seebbaa essidi ba wolqqaa bessiis. Bessin daday qassi "ero yaakko ha'i Ta na’iyakka ha malaataa bessu." yaagiis. Yaagin dada na’iya issitoo xuuqqada Eta sinttan de'iya wogga wolaa mentterettada A boli tamaa yedda xuuggada, zaarettadakka miyyiyan de'yaa adussa Zigaa xaphphuwaara shodada Abban gujjada haa simmiyoode baa Gaammuwaaranne A Na'aara Naa"aykka dadaa na'iya biron koyro xuuqqiyo wode dagamidi hayiqqiichidosoona. yaatin Daday " ha macca na'iyaa guuttaa qaaxin dagaman hayqqiya qeeri do'ay Tanaara bollotanawu waanidi Ta soo yiidee!" yaagidi yiillotidi etawu ahaa bolikka tamaa yeddi xuuggine bidintta kessiigiis geettees.
Taani haysiya yootido doonan eessaa eessaa mixxillaydda zayiya tookkada kawo sintti! Ta ayfee phuphulqqu! Intte ayfee cucum! Ta na’ay zayiya ba’’idi eessaa mixxilliiddi kawo sintt! (daanna sintti!) Intte naati hariya toggidi, gurbbaa tookkidi, zaallumaa mixxilliiddi daanna sintti! Haysee haysiyan gayttiis, taani de’ays! Hayseenne ba soo taanne ta soo!. Wurssettan Taani odada kiyido doonan eessaa mucays. Haysiya haysiyan zaarite.
Wolaytta Kummetta Miidiya Haggaazaa Eqotan Giigidi Gifaataa Tube geetettiya Miidiyan Shiiqidaagaa, Guuliya 27 gallassaa 2017 M.L.
email - gifaataatube@gmail.com
website- http://gifaataatube.blogspot.com
Youtube- https://youtube.com/@gifaataatube
Facebook:- https://www.facebook.com/share/1EZRVzrQtr/
telegram- https://t.me/gifaataatube
0 Comments