............. #Haysee_haniis:- .............
Qaariya issi galla kaalla aadhdhada abbaappe haattaa uyana gaada baasu. Baada biron hokkada issi gaco ganxxishin gaammoy, guye baggaara yiidi qooriyara cirppinttinne oyqqi aggiis. Yaatin geddi gaada pude gaammuwa ayfiya xeellaydda " waa godoo taani usa ta bolli de'yaa baanaa qoqqofanaashinkka gattekketii tana usa baanaara miiguutettiiyye?" gin gaammoy "pala ekka! yaakko eessuwan baanaa qoqqofa!" giidi yeddi bessidoora pirada wogga mittay matan diyagaa bolla kiya uttidosaara Gaammuwa duge xeellayda miichchaa kikiki gaasu.
Yaatin Gaammoy "bii qaaree ay miiccay?" Qaariyaa zaarada "taani tabaanne nebaanne miiccaysi" gin Gaammoy "bii tabaa waana miiccay?" gin Qaariya `"Biittaara gaashiyakka kallenna neeni baanaa qoqofana gin tana yeddida nebaanne miiccaysi gerggeco bolla diya xaazaa laacciyakko alana taani kalla aadhdhada gaammoy uyiyo abbaa haattaa gaada yiida daafan gayttaychchada attida tabaanne miccaysi" gaasu.
Yaatin Gaammoy " Taani ha qeeri do'en cimettada de'iyoogappe hayqqaagana!" giidosaara guppinnee abban gelidi hayqqiigiis geettees.
Taani haysiya yootido doonan eessaa eessaa mixxillaydda zayiya tookkada kawo sintti! Ta ayfee phuphulqqu! Intte ayfee cucum! Ta na’ay zayiya ba’’idi eessaa mixxilliiddi kawo sintt! (daanna sintti!) Intte naati hariya toggidi, gurbbaa tookkidi, zaallumaa mixxilliiddi daanna sintti! Haysee haysiyan gayttiis, taani de’ays! Hayseenne ba soo taanne ta soo!. Wurssettan Taani odada kiyido doonan eessaa mucays. Haysiya haysiyan zaarite.
Wolaytta Kummetta Miidiya Haggaazaa Eqotan Giigidi Gifaataa Tube geetettiya Miidiyan Shiiqidaagaa, Guuliya 27 gallassaa 2017 M.L.
email - gifaataatube@gmail.com
website- http://gifaataatube.blogspot.com
Youtube- https://youtube.com/@gifaataatube
Facebook:- https://www.facebook.com/share/1EZRVzrQtr/
telegram- https://t.me/gifaataatube
0 Comments